بليا تشو



يدوب بتحط مساحيقك
على وشك
يدوب تظبط هلاهيلك


على جسمك
دى رقعة يمين ورقعة شمال
يدوب بتدوم ليوم واحد
ويوم تانى
تبدلها
بمكان تانى
دى فقانى دى تحتانى
دىى تحتانى دى فقانى
وتلبس وشك التانى
وتلزق ضحكة مجنونة
على جبينك
وضحكة فوق وشوش الناس
بتضحكها تموت تانى
وتعصر قلبك الاحزان
تدارى وشك الالوان
دا لون احمر بيتمخطر
على د معة
دا لون اصفر بتدارى
وراة صورة
عن الاحلام ولسة الصورة
مكسورة
دا لون وردى
خفيف الدم
دا لون ضحكى
ولون الدم
دا لون غامق
بلون الحلم مش فارق
بلون الحزن جوا القلب
وتعصر قلبك الاحزان
تدارى وشك الالوان
وبليا تشو
اكيدإسمك ومش غيرة
بتضحكلك وشوش الناس
ويضحك وش مشوشك
وتخلع وش مش وشك
وتلبس وشك الإنسان
متفرقشى كتيرعنى
وعن غيرى
اكيد إنسان
ومش بلياتشو مش ألوان

مجنون
وساعات الكون بيضيق
على قدك
تضرب قلب حجارة الشارع
تلعن حلم قديم جواك
تعشق ننى عيون
البنت السمرا
تغزل توب م الكون علشنها
يوسع ننى عنيها
يساعك
تقدر تاخد الكون
فى دراعك
يطرح حلمك بكرة جميل