مكان مابيموت شهيد
بيتولد ثاير
الى حمزه
ابنى اللى لسه يدوب بيتولد فى الكون
بوشوشك فى الودان من قبل دق الهون
***********
قبل السبوع ياولد
اثبت على المبدأ
قبل السبوع ياولد اعرف
منين تبدأ
ياحمزه يابنى الوحيد
الاسم
له سيره
وحمزه
عم النبى
والحب مش
غيره
الحب
كلمه شرف
والسيف
صبح سيره
وحمزه
اصل الشرف
وكلمته سيفه
لا
يوم رجع عنها
ولا رجعه خوفه
ياحمزه جدك
شهيد
واعمامك
الشهدا
خليك فى راس النشيد
لا تخاف ولا تهدى
مينا
و عماد عفت
ومصطفى وجيكا
متفتش
خالد سعيد
شى الله
يا فابريقه
عباره
قطر الصعيد
مسرح كنيسه و متش
ومزلقان
مفتوح
وحدود وماسبيرو
الشهدا
ملو الكون
وملو
ساحه القصر
اكتب يإابنى الاسامى
في الشوارع سطر
احفظ اسامى
اللى ماتو
فى
شوارع مصر
اسلام كريستى الجندى
كلهم اخوات
عمر شهيد البطاطا
والفقر والحوجه
اوعى يقلولك خلاص
الثوره كت هوجه
جدك عرابى وناصر
وقبلهم مينا
انت اللى باقى وواصل
خد اسامينا
لما التاريخ يتكتب
سجلنا فى متونه
شهدا وجرحى وشباب
والكل له لونه
مسلم مسيحى وسلف
اخوان وليبرالى
الدم مهما اختلف
ع الامهات غالى
والكرسى
مهما ولف
ابدا ملوش غالى
والشعب مهما اختلف
لابد يوم يئتلف
ويرخص الغالي
وينزل اللى ركب
ويركب الغاوي
ياشعب غاوي الصد ف
ركز وشوف مالك
مش كل من قال ملك
حكمتو
فى عيالك
الملك اصله
العداله
واللقمه
وصلالك
مش ملو بق
بنداله
والسوس
فى اوصالك
يا ا بنى
ركز فى بكره
واحفظ
الماضى
من خوفو اصل الحضاره
الظلم له
ماضى
على الحيطان اتكتب
واللى كتب ماضى
هنا تحتمس واحمس
ومينا فى النقوش بينين
سبع تلاف سنه بعدهم
كل الملوك نسيين
مكتوب فى كتب الحضاره
ان الجدود فراعين
وان اللى بداء التاريخ
فى الارض
كانو اتنين
وان اللى زانو التاريخ
الانبيا والزين
واللى بينسو التاريخ
كل اللى تاجرو بدين
ياحمزه جدك
نبى
وابوك
كمان شاعر
متخفش من طاغيه
لأ واجهه
واتفاخر
واضحك فى وشه بسماحه
وقوله م
الاخر
انا مصرى اصلى التاريخ
وجدودى
م الشهدا
مهما
الغيوم ضلمت
برضه الشموس شهدا
وابويا مصرى اكيد
وقالى لا تهدى
خليك فى راس النشيد
لا تخاف ولا تهدى
قال كلمته حكمته
وادى السنين شهدا
يا حمزه
ياابنى الوحيد
خليك
كدا فاكر
مكان ما بيموت شهيد
بيتولد ثاير
10 فبراير 2013 اتولد حمزه محمد عارف
