كان نفسى اكون ذكرى
كان نفسى اكون صوره
على جدار ثوره
وولاد يشورولى ويقولو كان عمى
كان لسه بيسمى
ونطق بكلمه مصر
ولما قال حره
كان نفسى اكون صوتك
وقت اما بتغنى
دانا حتى فى سكوتك
شيفك فصيح عنى
ياشهيد وكان شايف
الثوره فى شفايف
تنطق بكلمه مصر
وتقول ياحريه ياغنوه محبوسه
فى قلوب ومغموسه
فى بحور ماليها الخوف
كان نفسى اكون زيك
لكن منعنى الامل
دلوقتى ايه العمل
ومفيش اكيد غيرك
وكله بقى محتمل
حتى اللى خنا وقتل
راجع بمليون وش
حكامنا غش فغش
والثوره ملهاش وش
غير وش ثوارها
والشهدا وصورها
كان نفسى اكون زيك
ولا اشوفشى يوم نارها
بتحرق الثوار
كان نفسى اكون صوره
ولا اتحرق بالنار
نارالخيانه فى وطن
بيعدم الثوار
ويعيد وشوش الغش
ياشعب ملهوش وش
ليست هناك تعليقات:
إرسال تعليق